Etxean ere
psikomotrizitatea landu daiteke jokoen bitartez. Seguruenik ez dira
psikomotrizitate saio batean espezialista batek lantzen dituen jarduera bezain
eraginkorrak izango, baina berdin ez
egin arren, bai garapen motorra, sormena eta garapen adierazkorra landuko ditu
haurrak. Gainera, etxean egiterakoan afektibitatea ere landuko da, haurraren
ikaskuntza bultzatzeko oso garrantzitsua den aspektua. Horrela guraso eta
haurren arteko harremana ere hobetuko da.
Haurren eguneroko bizitzan
psikomotrizitatea sumatu daiteke hainbat jarduera eta ariketetan (esaterako
galtzerdi bat jartzean edo ur edalontzi bat betetzean). Jarduera psikomotor
hauen bitartez haurrak bere mugimenduen kontrola, koordinazioa, oreka eta
orientazioa garatzen ditu.
Horretarako,
interesgarria litzake etxean haurrarentzat espazio jakin bat izatea, non
jostailu edo aurretik aipatutako material ezberdinekin haurra psikomotrizitatea
lantzeko denbora izango duen. Txoko horretan ukipen, forma eta tamaina
ezberdinak dituzten etxeko objektuak jarriz gero haurrak ezagutza ezberdinak
esperimentatuko ditu. Kontuz ibili, ez jarri arriskutsuak suertatu daitezkeen
objeturik! Posible ez bada, komenigarria litzateke parkera eramatea.
Nola landu?
Hemen uzten ditugu
etxean adin ezberdinetako haurrek psikomotrizitatea garatzeko ariketen adibide
batzuk:
·
Sofan dauden kojinak zein burukoak
lurrean jarriz haurra gainean salto egitea.
·
Oztopo ezberdinak dituen ibilbide
bat prestatu etxe barruan zein kaleko lorategi batean. Ibilbidea prestatzeko
adibidez bi aulki eta igerilekuetan ohikoak diren “txurro” bat erabili daiteke
oztopo bat osatzeko. Originala eta kreatiboa izan etxean dituzuen objektuekin!
No hay comentarios:
Publicar un comentario